Нацбанк падтрымлівае прыватныя банкі: паніжае стаўку па крэдытах
І павышае па дэпазітах.
13 студзеня стала вядома, што Камітэт па манетарнай палітыцы Нацбанка прыняў наступнае рашэнне:
“Знізіць да ўзроўню 40,0 адсоткаў гадавых стаўкі па пастаянна даступных і двухбаковых аперацыях падтрымкі бягучай ліквіднасці банкаў (раней гэтая стаўка складала 50% — Еўрарадыё).
Павялічыць да ўзроўню 20,0 адсоткаў гадавых стаўкі па пастаянна даступных аперацыях выключэння ліквіднасці (раней гэтая стаўка была 17% — Еўрарадыё)".
Што значыць новае рашэнне Нацбанка, Еўрарадыё патлумачыў фінансавы аналітык афіцыйнага партнёра Альпары ў Мінску Вадзім Іосуб:
“Банкі могуць браць у Нацбанка грошы пад меншую стаўку, чым раней, і даваць Нацбанку грошы пад большую стаўку”.
Такія меры Нацбанка скіраваныя на падтрымку прыватных банкаў.
Фота: Fotolia
