На волю выйшаў Яраслаў Пісарэнка, Аляксандр Івулін будзе за кратамі да ліпеня
На волю выйшаў спартыўны журналіст Яраслаў Пісарэнка. Рэжысёр мантажу YouTube-канала "ЧестнОК", былы супрацоўнік Белтэлерадыёкампаніі адбываў 15-суткавы адміністрацыйны арышт. Тэлеграм-канал @chestnokkk нагадвае, што Пісарэнка 3 чэрвеня быў затрыманы разам з журналістам "Трыбуны", аўтарам згаданага YouTube-канала і футбалістам "Крумкачоў" Аляксандрам Івуліным за нібыта БЧБ-сцяг у акне. На судзе ён сваёй віны не прызнаў, сказаў, што падчас ператрусу сцягу не было. Тое самае казаў і Івулін.
