На волю выйшаў палітвязень Анатоль Пугач, які хварэе на анкалогію
![Анатоль Пугач](/sites/default/files/styles/gallery_main/public/2023-11/puhacz-0111-2.jpg.webp?itok=MiGENTRp)
Анатоль Пугач / сацсеткі
Пасля поўнага адбыцця тэрміну прысуду на волю выйшаў палітвязень Анатоль Пугач, які хварэе на анкалогію, паведамляюць праваабаронцы.
Хлопца затрымалі 13 снежня, на наступны дзень пасля вяртання з Польшчы. У Беларусь ён прыехаў на медыцынскае абследванне, калі ў яго выявілі анкалагічнае захворванне.
Пугача абвінавацілі ў абразе Лукашэнкі за рэпост відэа на сваёй старонцы ў сацсетцы. Яму прысудзілі 1 год калоніі агульнага рэжыму.
На волю хлопец выйшаў 23 кастрычніка.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.