На суботу па Гомельшчыне абвясцілі чырвоны ўзровень небяспекі
![Спёка, ілюстрацыйнае фота](/sites/default/files/styles/gallery_main/public/2023-08/minsk-solntse-leto.jpg.webp?itok=27pD5b1K)
Спёка, ілюстрацыйнае фота
У суботу, 31 жніўня, у Беларусі прагназуецца невялікая воблачнасць, паведапмляе Белгідрамет.
Будзе пераважна без ападкаў, толькі ўдзень па паўночным захадзе краіны чакаюцца кароткачасовыя дажджы, месцамі прагрымяць навальніцы. Уначы і зранку ў асобных раёнах будзе згушчацца слабы туман. Вецер чакаецца няўстойлівы, уначы — слабы, удзень — ад слабога да ўмеранага, пры навальніцах — парывісты.
Тэрмометры ўначы пакажуць 14-19 са знакам "плюс", месцамі будзе 11-13 цяпла. Удзень чакаецца ад +26 па паўночным захадзе да +33 па поўдні краіны. У Мінску будзе 30-31 вышэй за нуль.
На Гомельшчыне ў сувязі з надзвычайнай пажарнай небяспекай (пяты клас) сіноптыкі абвясцілі чырвоны ўзровень, па астатняй тэрыторыі краіны — аранжавы ўзровень небяспекі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.