Вы тут

На рэканструкцыю стэлы ў Мінску вылучылі больш за 160 тысяч долараў

Стэла "Мінск — горад-герой" / Мінск-Навіны

У Мінску праводзяць капітальны рамонт з рэканструкцыяй стэлы "Мінск — горад-герой", якая размяшчаецца на скрыжаванні праспектаў Пераможцаў і Машэрава. 

Як кажуць самі рэстаўратары, на абеліску ліквідуюць мікрарасколіны, збудаванне чысцяць, а таксама мяняюць гранітнае абліцоўванне пастамента. Саму 45-метровую стэлу ўжо ачысцілі, як і элементы структуры "Радзіма-маці".

Еўрарадыё знайшло дзяржаўную закупку паслуг па рамонце і рэстаўрацыі комплексу: на гэта вылучылі больш за 423 тысячы рублёў, то бок больш за 160 тысяч долараў. Пераможцам тэндару стала дзяржаўная "Белрэстаўрацыя".

На рэканструкцыю помнікаў архітэктуры ўлады не знаходзяць грошай амаль ніколі, у выніку многімі займаюцца валанцёры. Аднак на рамонт абеліска (які і так быў у прыстойным стане) сродкі знайшліся без праблем.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.