На расійскім крэйсеры "Адмірал Кузняцоў" падчас пажару пацярпелі 12 чалавек
На расійскім авіянясучым крэйсеры "Адмірал Кузняцоў" падчас пажару пацярпелі 12 чалавек. Сярод іх — двое вайскоўцаў, якія тушылі пажар і атрымалі апёкі. Іншыя пацярпелыя атруціліся прадуктамі гарэння, у аднаго чалавека чэрапна-мазгавая траўма, інфармуе kommersant.ru. Крэйсер знаходзіўся на рамонце ў Мурманску на сударамонтным заводзе "Зорачка". Узгаранне адбылося 12 снежня падчас агнявых прац, плошча пажару склала 600 квадратных метраў. Трое чалавек лічацца зніклымі без вестак (сярод іх — капітан трэццяга рангу Віктар Ізмайлаў), іх шукаюць. Пазней стала вядома пра аднаго загінулага.
Як інфармуе meduza.io, электракабелі загарэліся ў энергаадсеку на ніжняй палубе. У той час на "Адмірале Кузняцове" знаходзіліся 400 чалавек.
На крэйсеры не было зброі і боепрыпасаў.
Видео с тушения пожара на крейсере «Адмирал Кузнецов». Всех пропавших без вести нашли. Шесть человек пострадали, один в тяжелом состоянии https://t.co/vni38i8syy pic.twitter.com/ArPVg96AGr
— FlashNord (@flashnord) 12 декабря 2019 г.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
