На мяжы з Украінай загінулі два беларускія памежнікі — праваліліся пад лёд
!["Неслі службу ў складаных умовах у разлітай пойме Дняпра" / Ілюстрацыйнае фота БЕЛТА](/sites/default/files/styles/gallery_main/public/2023-08/Lod.jpg.webp?itok=-FS_pSx-)
"Неслі службу ў складаных умовах у разлітай пойме Дняпра" / Ілюстрацыйнае фота БЕЛТА
На мяжы з Украінай загінулі два беларускія памежнікі — праваліліся пад лёд. Пра трагічнае здарэнне, якое здарылася раніцай 15 лютага ў Брагінскім раёне, паведамляе Гомельская памежная група.
У памежным нарадзе заставы "Камарын" былі лейтэнант, сяржант-кантрактнік і вайсковец тэрміновай службы. Яны "неслі службу ў складаных умовах у разлітай пойме Дняпра". У нейкі момант, абыходзячы вялікі разліў вады, кантрактнік праваліўся пад лёд. Яго спрабаваў выратаваць афіцэр, а іншага вайскоўца адправіў у бяспечнае месца. Аднак лёд не вытрымаў вагу дваіх узброеных памежнікаў і яны (лейтэнант і кантрактнік) патанулі.
![На мяжы з Украінай загінулі два беларускія памежнікі — праваліліся пад лёд](/sites/default/files/styles/default_image_paragraph/public/paragraphs/image/44_19.jpg.webp?itok=FOdmM3Hu)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.