На Магілёўшчыне засуха знішчае ўраджай збожжа
Калі не будзе дажджоў, сітуацыя пагоршыцца.
Каля 27 тысяч гектараў зерневых і зернебабовых культур у Магілёўскай вобласці пашкоджана засухай. Паводле спецыялістаў абласнога камітэта па сельскай гаспадарцы і харчаванні, такіх складаных засушлівых умоваў надвор’я тут не было апошнія дзесяць год, а можа і болей.
Запас вільгаці на глебе вельмі нізкі, і таму расліны не могуць развівацца належным чынам. Напрыклад, у Клічаўскім раёне пры норме 40 мм у паўметровым слаі глебы запас вільгаці складае ўсяго 6 мм. Калі не будзе ападкаў, то сітуацыя пагоршыцца яшчэ болей.
У шэрагу раёнаў вобласці пачалася ўборка пашкоджаных засухай пасеваў на сенаж. Прыбралі 6,7 тысячы га. Усяго ж у гэтым годзе плануюць сабраць каля 336 тысяч га зерневых і зернебабовых, паведамляе БЕЛТА.
Фота з архіву