На Магілёўшчыне моцны вецер пазрываў дахі вытворчых будынкаў (фота)
![На Магілёўшчыне моцны вецер пазрываў дахі вытворчых будынкаў (фота)](/sites/default/files/styles/gallery_main/public/2023-08/dax_1.jpg.webp?itok=idV7Eji0)
Шквалісты вецер, які пранёсся ў ноч на суботу над Магілёўскай вобласці, пашкодзіў дахі будынкаў у Кіраўску і ў пасёлку Юбілейны пад Бабруйскам. Парывы ветру складалі 15-18 метраў за секунду.
У Кіраўску пацярпеў будынак цэху па вытворчасці сокаў прыватнага прадпрыемства “Кіраўскі харчовы камбінат”. Ветрам сарвала 250 квадратных метраў металапрофілю з даху. Аднаўленне будзе ажыццяўляцца ўласнымі сіламі прадпрыемства.
У пасёлку Юбілейны Бабруйскага раёна шквалісты вецер разбурыў дахі збудаванняў саўгаса “Кісялевічы”. Пацярпелі будынкі двух сенаскладоў, даільнага цэху і двух тэхнічных збудаванняў. Рамонтныя працы будуць весціся таксама сіламі прадпрыемства, паведамляе прэс-служба Магілёўскага абласнога ўпраўлення МНС.