На Луганшчыне прарасійскія баевікі з бітамі разагналі патрыятычны мітынг
Мітынг у падтрымку адзінства Украіны праходзіў ў горадзе Рубежнае Луганскай вобласці. Яго разагнала група прарасійскіх юнакоў, узброеных бітамі.
Як паведамляе УНІАН, яны білі людзей, ёсць шмат пацярпелых.
Акцыя працягвалася да гадзіны. Для яе разгону сцягнулі вялікую колькасць прамаскоўскіх баевікоў, у часткі з якіх былі закрытыя твары. Яны з крыкамі "Фашысты!" і "Здраднікі!" напалі на ўдзельнікаў патрыятычнай акцыі.
Невялікія сілы міліцыі не змаглі вырашыць сітуацыю. Праўкраінскіх мітынгоўцаў разагналі — людзі беглі дварамі, іх даганялі і білі. Украінскія актывісты кажуць, што не зразумела, хто кантралюе сітуацыю.
Фота — УНІАН
