На Краснай плошчы ў Маскве затрымалі жанчыну з украінскім сцягам
Акцыя 4 верасня 2023 года на Краснай плошчы ў Маскве / t.me/ovdinfolive / t.me/ovdinfolive
На Краснай плошчы ў Маскве паліцыя затрымала жанчыну, якая ўкруцілася ў сцяг Украіны, паведамляе "ОВД-Инфо".
Актывістка Алена Кажэўнікава зладзіла адзіночны пікет у цэнтры расійскай сталіцы. Колькі працягвалася акцыя з украінскім сцягам, незразумела.
Пасля затрымання Кажэўнікаву павезлі ў паліцыю. Пра гэта яна сама паведаміла журналістам. Да актывісткі выехаў адвакат.
На яе склалі пратакол аб дыскрэдытацыі арміі, пасля чаго адпусцілі.
