На гумарыста Максіма Галкіна ў Расіі завялі крымінальную справу
На гумарыста Максіма Галкіна, які ў першыя дні вайны асудзіў кіраўніцтва сваёй краіны, у Расіі завялі крымінальную справу.
Па словах экс-дэпутата Дзярждумы Рамана Худзякова, артысту інкрымінуюць дыскрэдытацыю Узброеных сіл Расіі. Па яго словах, 28 ліпеня Галкін мае даваць канцэрт у Турцыі. Там артыста могуць аррыштаваць, бо паміж Расіяй і Турцыяй падпісанае пагадненне аб узаемадапамозе па крымінальных справах і выдачы злачынцаў.
"У Турцыі, якая не з'яўляецца несяброўскай краінай, і куды нашы турысты любяць ездзіць у адпачынак — і відавочна не для таго, каб глядзець Галкіна, які выклікае агіду. Гумарыста-правакатара, хутчэй за ўсё, арыштуюць і экстрадуюць у Расію. Гэта добрая навіна", — пракаментаваў дэпутат паездку артыста.
Афіцыйанага пацверджання інфармацыі пакуль няма.
Ад пачатку вайны Максім Галкін неаднаразова выступаў з асуджэннем дзеянняў расійскіх уладаў і арміі ва Украіне. У сакавіку артыст з сям'ёй з'ехаў у Ізраіль.
22 жніўня Максім Галкін выступіць у варшаўскім клубе "Стадола".
