На галоўнага агранома пачалі "крыміналку" за жаданне выканаць план
![Камбайн, ілюстрацыйнае фота](/sites/default/files/styles/gallery_main/public/2024-08/kambajn-2708.jpg.webp?itok=ar3rNSA-)
Камбайн, ілюстрацыйнае фота / pixabay.com
Крымінальную справу пачалі на галоўнага агранома адной з сельскіх гаспадарак Аршанскага раёна супрацоўнікі па барацьбе з эканамічнымі злачынствамі мясцовага РУУС. Як паведамляе прэс-служба МУС, жанчыне інкрымінуюць перавышэнне ўлады або службовых паўнамоцтваў, здзейсненае з карыслівай ці іншай асабістай зацікаўленасці.
У ліпені 45-гадовая аграном загадала падначаленым пачаць жніво збожжа, хаця ведала, што паказчыкі вільготнасці збожжавых культур перавышаюць гранічна дапушчальную норму. У МУС кажуць, што такім чынам яна хацела выканаць план па вытворчасці валавой прадукцыі, за што прадугледжана прэмія.
За некалькі дзён з палёў было сабрана 110 тон збожжа неналежнай якасці. Пазней яравы авёс і азімы ячмень знішчылі.
А на галоўнага агранома пачалі крымінальную справу.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.