Мінск ізноў затапіла, спыняюцца тралейбусы і трамваі
![Традыцыйны патоп на Нямізе](/sites/default/files/styles/gallery_main/public/2024-08/niamiha-2708-2.jpg.webp?itok=Jxxe4py-)
Традыцыйны патоп на Нямізе / АТН
Моцная залева абрынулася на Мінск пад вечар 27 жніўня.
Дарогі ў некаторых раёнах традыцыйна аказаліся падтопленымі. У выніку спыняўся рух грамадскага транспарту — тралейбусаў і трамваяў, паведамляе "Мінсктранс".
Традыцыйна затапіла Нямігу — там быў прыпынены рух тралейбусаў у абодва бакі. На Партызанскім праспекце ў раёне Мотавелазавода быў прыпынены рух тралейбусаў у напрамку вуліцы Алега Кашавога. Праз падтапленне на вуліцы Даўгабродскай спыніўся рух трамваяў.
Праблемы з рухам транспарту ёсць і ў іншых раёнах сталіцы.
Папярэдняя магутная залева затапіла Мінск 18 ліпеня.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.