МЗС Літвы пракаментаваў дазвол на ўезд аўто з беларускімі нумарамі
Пункт пропуску "Мядзінінкай" / VSAT
Літоўскі МЗС пракаментаваў выключэнне, якое Літва зрабіла для легкавікоў з беларускімі нумарамі.
"Ацэньваючы дзеянні іншых рэгіянальных партнёраў, практычныя аспекты забароны і працягваючы дыялог з прадстаўнікамі беларускай апазіцыі, ацэньваючы неабходнасць падтрымкі беларускай грамадзянскай супольнасці, мы адпаведна ўжываем варыянты, прадугледжаныя ў рэгламенце", — заявілі літоўскія дыпламаты.
Як паведамляла Еўрарадыё, з 17 жніўня Літва дазволіла ўезд на сваю тэрыторыю аўтамабілям з беларускімі нумарамі, але — пад шэрагам умоваў.
Літоўскі варыянт — сярэдні паміж польскім і латвійскім падыходам. Ён дазваляе беларусам уязджаць і выязджаць на літоўскую тэрыторыю, але пакуль што толькі да 18 студзеня 2025 года, калі знаходжанне аўтамабіляў з беларускімі нумарамі ў Літве будзе ўвогуле забароненае.
