Міжнародная федэрацыя хакея падоўжыла "бан" Беларусі і Расіі
IIHF падоўжыла "бан" для камандаў Беларусі і Расіі / pressball.by
Міжнародная федэрацыя хакея яшчэ на адзін сезон працягнула адхіленне Беларусі і Расіі ад удзелу ў міжнародных турнірах.
"На падставе дэталёвай ацэнкі, праведзенай вядомай кампаніяй, якая спецыялізуецца на ацэнцы рызыкаў, звязаных з рознымі глабальнымі выклікамі, Рада IIHF вырашыла, што вяртанне каманд РФ і РБ у спаборніцтвы будзе небяспечна на будучы сезон чэмпіянату IIHF 2023/2024. Такім чынам, IIHF працягне сезон чэмпіянату 2023/2024 без каманд РФ і РБ", — паведаміў прэзідэнт федэрацыі Люк Тардзіф.
Каманды Беларусі і Расіі не будуць удзельнічаць у чэмпіянаце свету ў 2024 годзе, які пройдзе ў Чэхіі.
Рада IIHF увяла "бан" на Беларусь і Расію напрыканцы лютага 2022 года у сувязі з вайной ва Украіне.
