"Мінёрам" калінінградскага цягніка выявіўся 39-гадовы мінчук

Праваахоўныя органы ўсталявалі асобу зламысніка, які зрабіў ілжывае паведамленне пра мініраванне цягніка Калінінград-Масква. Пра гэта "Інтэрфаксу" паведамілі  ў Міністэрстве ўнутраных справаў Беларусі. Міліцыянты кажуць, што ілжывы званок зрабіў 39-гадовы мінчук, псіхічна хворы.

Нагадаем, што ў сувязі з ананімным званком пра магчымы выбух цягніка Калінінград-Масква больш за 500 пасажыраў былі эвакуяваныя ў горадзе Оршы ў ноч на сераду.

Міліцыя і выратавальнікі ачапілі састаў і абследавалі яго. Падчас праверкі выбуховага прыстасавання выяўлена не было.

Па факце "мініравання" цягніка міліцыянты пачалі крымінальную справу.