"Мінскводаканал" апублікаваў спіс тых, каму зробяць пераразлік за ваду
Мінскводаканал / minskvodokanal.by
Праз нядаўнія праблемы з якасцю вады "Мінскаводанал" вызваліць ад платы за паслугі водазабеспячэння і водаадвядзення жыхароў Фрунзенскага, Маскоўскага, Кастрычніцкага, Цэнтральнага і Ленінскага раёнаў сталіцы. Спіс адрасоў арганізацыя апублікавала на сайце.
У пералік уключаныя шматкватэрныя жылыя дамы, інтэрнаты і дамы прыватнага сектара, размешчаныя ў вышэйзгаданых раёнах Мінска.
Пераразлік, нагадаем, не тычыцца кавярняў і рэстаранаў. Установы грамадскага харчавання ў Маскоўскім і Фрунзенскім раёнах сталіцы некалькі дзён атрымлівалі забруджаную ваду, як і сотні тысяч жыхароў Мінска. Але чыноўнікі не спяшаюцца вызваляць прадпрымальнікаў ад плацяжоў. Асацыяцыя рэстаратараў Беларусі накіравала ў Мінгарвыканкам зварот з просьбай падумаць аб становішчы грамадскага харчавання.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.