Мінскія падаткавікі ўзяліся за прыватных стаматолагаў
![Стаматалогія, ілюстрацыйнае фота](/sites/default/files/styles/gallery_main/public/2024-04/zuby-1604.jpg.webp?itok=FxagNCn_)
Стаматалогія, ілюстрацыйнае фота / pixabay.com
Мінская падатковая інспекцыя пачне праверку недзяржаўных стаматолагаў. Аператыўны аддзел прыступіў да папярэдняга аналізу недзяржаўнага сектара гэтай сферы, заяўляюць у тг-канале сталічнай інспекцыі.
"Каб у вас не трэсліся рукі падчас прыёму пацыентаў, упраўленне вырашыла папярэдзіць аб сваіх планах загадзя", — ёрнічаюць падаткавікі.
Паведамляецца, што ведамства аналізуе працу 387 уладальнікаў ліцэнзій. Па выніках аналізу падаткавікі вызначаць арганізацыі, у дзейнасці якіх яны знойдуць "негатыўныя адхіленні". Гэтыя арганізацыі, маўляў, прааналізуюць паглыблена, а частку з іх правераць аператыўнікі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.