Мінскі дынамавец Лінгле хоча, каб яго дзеці сталі грамадзянамі Беларусі
Канадскі нападаючы мае намер дамагчыся атрымання беларускага грамадзянства для сваіх сыноў-блізнюкоў Джэка і Вінцэнта.
Пра гэта ў інтэрв'ю тэлеканалу "Беларусь 1" распавёў генеральны менеджар "Дынама" Уладзімір Беражкоў:
"У Шарля Лінгле ёсць двое дзяцей, бацькі вырашылі, каб яны сталі грамадзянамі Беларусі. Я вельмі спадзяюся, што праз гадоў 16-17 дзеці Лінгле таксама будуць гуляць у зборнай Беларусі".
Нагадаем, 32-гадовы Шарль Лінгле з перапынкам выступае за мінскае "Дынама" з 2011 года, два гады таму ён атрымаў беларускае грамадзянства.
Фота — hcdinamo.by
