Мінскі аўтавакзал затапіла пасля прарыву трубы, якая праходзіць над платформамі
Прарыў трубы / кадр з відэа з сацсетак
Платформы на мінскім аўтавакзале "Цэнтральны" затапіла з прарванай трубы. Пра гэта паведамляе адміністрацыя Кастрычніцкага раёна сталіцы.
Праблема ўзнікла, калі арганізацыя, якая абслугоўвае гандлёвы цэнтр Galileo, праводзіла планавыя выпрабаванні і прачышчала ліўневую каналізацыю паркінга. Трубы праходзяць у тым ліку над платформамі аўтавакзала. Адна з іх не вытрымала высокага ціску.
Паведамляецца, што цяпер цеча ліквідаваная. Работнікі аўтавакзала правялі прыборку тэрмінала.
