Мінкульт паведаміў, як рыхтуецца адзначыць 100-годдзе БНР
Да 100-гадовага юбілею Беларускай Народнай Рэспублікі Міністэрства культуры рыхтуе музейныя выставы і кінапаказы. Пра гэта гаворыцца ў адказе ведамства, які атрымаў на свой зварот мінчук Максім Ляшко.
Паведамляецца, што ў Мінску запланаваныя пяць выставаў, прысвечаных гісторыі БНР. Яны пройдуць у Нацыянальным гістарычным музеі, музеі Янкі Купалы ды музеі гісторыі беларускай літаратуры.
У філіяле Музея гісторыі беларускага кіно пакажуць тры фільмы пра БНР і яе дзеячоў: "БНР. Час абвяшчэння" (1993), "Аркадзь Смоліч" (1992) і "На Чорных лядах" (1995).
