Вы тут

Міністр працы — пра тое, ці былі масавыя звальненні ў Беларусі

70% звольненых — "па пагадненні бакоў" / З архіву sb.by

Міністр працы і сацыяльнай абароны Ірына Касцевіч у інтэрв'ю тэлеканалу СТБ выказалася пра сітуацыю на рынку працы Беларусі. Паводле яе слоў, яна кіраваная. Касцевіч сцвярджае, што ў першыя тры месяцы занятасць была на ўзроўні аналагічнага перыяду мінулага года. Аднак у красавіку-траўні сітуацыя пачала змяняцца і па выніках першага паўгоддзя афіцыйнае беспрацоўе павялічылася на 0,2%.

Міністр заявіла, што буйны і сярэдні бізнес не дапусціў масавых звальненняў. Былі правераны амаль тры сотні арганізацый і 70% звольнены "па пагадненні бакоў".

Ірына Касцевіч прызнае, што на прадпрыемствах скарачаецца рэжым працы, павялічваецца маштаб прастояў. Толькі ў траўні вымушаная няпоўная занятасць павялічылася ў 4 разы.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.