Мінімальная зарплата ў Літве стане 730 еўра — у Беларусі яна ў 5 разоў меншая
Банкноты еўра / Ілюстрацыйнае фота
Урад Літвы ўхваліў павышэнне мінімальнай зарплаты да 730 еўра "на паперы" (гэта 2 168 беларускіх рублёў у пераліку) — на 88 еўра больш, чым цяпер, паведамляе delfi.lt. Разам з тым заробак "на рукі" павялічыцца на 50 еўра.
У гэтым годзе мінімальная месячная зарплата ў Літве складае 642 еўра "на паперы", гадзінная — 3,93 еўра.
Па Працоўным кодэксе "мінімалку" ў Літве могуць плаціць толькі за некваліфікаваную працу. Улады краіны спрабуюць захаваць нармальныя суадносіны мінімальнай зарплаты з сярэдняй.
Нагадаем, у Беларусі мінімальная заработная плата складае цяпер 400 рублёў.
