Мінчук страляў па людзях і машынах з гаўбца сваёй кватэры
На вуліцы Арлоўскай у Мінску супрацоўнікі спецыяльнага падраздзялення АМАП затрымалі 37-гадовага мужчыну, які страляў па мінаках з гаўбца сваёй кватэры. Падрабязнасці паведамляе прэс-служба ГУУС Мінгарвыканкама.
26 чэрвеня пасля 18-й гадзіны ў міліцыю затэлефанаваў відавочца і паведаміў, што невядомы грамадзянін страляе з акна сваёй кватэры па аўтамабілях, якія праязджаюць міма, а таксама цэліць у мінакоў.
Міліцыя ачапіла тэрыторыю дома і з дапамогай амапаўцаў затрымала стралка. Гэта 37-гадовы мінчук, раней ужо неаднаразова асуджаны за хуліганства. Мяркуецца, што ён страляў па мінаках і машынах з пнеўматычнай вінтоўкі.
Паведамляецца, што людзі ад дзеянняў стралка не пацярпелі, але пашкоджаныя шыбы некалькіх машын.
