Мінчук скраў у жонкі 16 000 долараў на прыгожае жыццё ў Маскве

Міліцыянты Партызанскага РУУС Мінска затрымалі раней судзімага мужчыну, які скраў грошы ў сваёй жонкі, інфармуе прэс-служба ГУУС Мінгарвыканкама.

У міліцыю звярнулася мінчанка з заяваў аб знікненні грошай з кватэры. Крыміналісты высветлілі, што грошы скраў муж заяўніцы. 63-гадовы мужчына нядаўна вызваліўся з месцаў пазбаўлення волі. Прыехаўшы дадому, ён даведаўся, што жонка атрымала ў спадчыну буйную суму. 

Дачакаўшыся, калі жонка сыдзе з хаты, мінчук забраў 16 000 долараў, сабраў рэчы і адправіўся на вакзал. Там яго і затрымалі аператыўнікі.

Затрыманы распавёў міліцыянтам, што хацеў паехаць да сваякоў у Маскву і весці на забраныя грошы прыгожае жыццё.

Праверкай інцыдэнта займаецца Следчы камітэт.