Мінак выратаваў траіх дзяцей, якія праваліліся пад лёд у Баранавічах

У Баранавічах трое дзяцей праваліліся пад лёд на Свяцілаўскім возеры. Выратаваў іх выпадковы мінак, піша Intex-press.

Надзвычайнае здарэнне адбылося 1 снежня каля 14:30 у Паўночным мікрараёне. Два хлопчыкі і дзяўчынка гадоў шасці-васьмі выйшлі на першы лёд. Ён не вытрымаў дзяцей і праваліўся. 

Відавочцам здарэння стаў жыхар Баранавічаў Ягор Вашчылка. Ён кінуўся на дапамогу дзецям і выцягнуў іх з халоднай вады. На шчасце, абышлося без ахвяраў. Іншыя людзі, якія падаспелі на дапамогу, павялі дзяцей дадому. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.