Мінабароны паказала блокпасты на мяжы з Украінай
Беларускія вайскоўцы / прэс-служба Мінабароны
Міністэрства абароны паведаміла пра ўзмацненне мяжы з Украінай і паказала адзін з блокпастоў каля мяжы.
Як заяўляе прэс-служба Мінабароны, пад ахову ўзялі важныя аб'екты, у тым ліку дарогі і пуцеправоды. У абароне мяжы задзейнічаныя Сілы спецаперацый Узброеных сіл Беларусі
"Комплекс мерапрыемстваў, накіраваных на супрацьдзеянне магчымым пагрозам, праводзіцца на участках па перыметры паўднёвай частцы краіны. На гэтым напрамку задзейнічаны асабісты склад Сіл спецыяльных аперацый Узброеных Сіл. Асаблівую ўвагу асабісты склад надае працы на кантрольна-прапускных пунктах", — заяўляюць у Мінабароны.
Украінскія вайскоўцы з свайго боку мяжы паставілі мноства мінных палей і фактычна цалкам перакрылі мяжу з Беларуссю, бо з нашай краіны ў 2022 годзе ішоў наступ расійскіх войскаў.
