Мінабароны Беларусі піша пра "спробу нападу" на вайскоўцаў
Беларускія вайскоўцы каля мяжы з Украінай / sb.by
12 траўня Мінабароны Беларусі піша пра "спробу нападу" на групу вайскоўцаў на аўтадарозе М-5 Мінск — Гомель. Здарэнне адбылося ўвечары ў чацвер. На вайскоўцаў, якіх прыцягнулі да ўзмацнення аховы мяжы з Украінай, нібыта напаў 51-гадовы кіроўца грузавіка "з ужываннем выбуховага прыстасавання, вырабленага з піратэхнічных сродкаў". Пасля гэтага ён паспрабаваў з'ехаць, але аўтамабіль заблакавалі. Мужчыну затрымалі і перадалі міліцыі. Вайскоўцы не пацярпелі.
Гісторыя дзіўная. Пра матывы ўчынку кіроўцы не паведамляецца. Адзначаецца толькі, што "ў дзеннях кіроўцы угледжваюцца прыкметы экстрэмізму".
У красавіку была інфармацыя, што жыхары памежных з Украінай раёнаў Гомельскай вобласці незадаволены прысутнасцю ў лясах байцоў Сіл спецыяльных аперацый. Вайскоўцы ўзмацняюць ахову мяжы з мінулага года.
