Міліцыя затрымала мінчука з наркотыкамі і даведкай ад нарколага
![Міліцыя затрымала мінчука з наркотыкамі і даведкай ад нарколага](/sites/default/files/styles/gallery_main/public/2023-08/nark-0502-1.jpg.webp?itok=UNFGJOAj)
У Ждановічах пад Мінскам міліцыя затрымала трох хлопцаў з гашышам і амфетамінам, паведамляе прэс-служба МУС.
У маладых людзей знайшлі амаль грам гашышу і грам амфетаміну. Пры гэтым адзін з іх меў пры сабе даведку, што ён не стаіць на ўліку ў нарколага. Дакумент быў выдадзены ў гэты ж дзень.
Выявілася, што кампанія наведала наркадыспансер, дзе адзін з прыяцеляў браў даведку ў нарколага. Атрымаўшы дакумент, хлопец прапанаваў адзначыць падзею. Разам яны адправіліся забіраць закладку з наркотыкам — недалёка ад таго месца іх і затрымалі.
На маладых людзей пачалі крымінальную справа па ч. 1 арт. 328 Крымінальнага кодэксу. Даведка далучаная да справы.