Меркель склікала на 19 кастрычніка ў Берліне сустрэчу "нармандскай чацвёркі"
![Меркель склікала на 19 кастрычніка ў Берліне сустрэчу "нармандскай чацвёркі"](/sites/default/files/styles/gallery_main/public/2023-08/_91963455_gettyimages-463198844-1.jpg.webp?itok=pmuv8Qzv)
Ангела Меркель склікала на 19 кастрычніка ў Берліне сустрэчу "нармандскай чацвёркі" (канцлера Нямеччыны, прэзідэнтаў Украіны, Расіі і Францыі). Яна будзе прысвечана пытанню рэалізацыі "мінскіх дамоўленасцяў" і ўрэгуляванню сітуацыі ва ўсходняй Украіне.
Як адзначае "Бі-Бі-Сі", Пётр Парашэнка, Уладзімір Пуцін і Франсуа Аланд пацвердзілі свой удзел у перамовах. У такім фармаце яны праходзяць з чэрвеня 2014 года. У лютым 2015-га "нармандская чацвёрка" збіралася ў Мінску.
19 кастрычніка ў Парыжы мусіла адбыцца сустрэча Аланда і Пуціна. Аднак прэзідэнт Расіі яе адмяніў з-за рознагалоссяў па Сірыі.