Мэр Жытоміра заклікаў выключыць кіраўнікоў гарадоў Беларусі з "Пагаднення мэраў"
Сяргей Сухамлін / facebook.com/sukhomlyn.sergey
Мэр Жытоміра Сяргей Сухамлін прапануе выключыць кіраўнікоў беларускіх гарадоў з праекта "Пагадненне мэраў".
Сухамлін нагадаў, што беларускія чыноўнікі, якія падпісвалі "Пагадненне мэраў", узначальваюць гарады, з тэрыторыі "якіх узляталі самалёты, дзе размяшчаліся расійскія войскі, з якіх запускаюць ракеты, у тым ліку і па Жытоміры". Ён таксама нагадаў, што ў Беларусі няма мэраў, "там ёсць "прызначэнцы", якіх "бацька" паставіў кіраваць гарадамі. Мы іх не чулі, затое чулі іх ракеты".
Сухамлін прапанаваў спыніць фінансаванне беларускіх гарадоў, а сродкі перанакіраваць на падтрымку ўкраінскіх гарадоў-членаў пагаднення. Свае прапановы ён аформіў у ліст-зварот. Гэты дакумент ён апублікаваў на сваёй старонцы ў Facebook.
"Пагадненне мэраў" — гэта ініцыятыва, якая аб'ядноўвае еўрапейскія мясцовыя муніцыпалітэты. Яна аб'ядноўвае тысячы мясцовых органаў улады, якія ўзялі на сябе абавязацельствы па дасягненню кліматычных і энергетычных мэтаў ЕС.
