Мэр Ірпеня: горад вызвалены, ідзе "зачыстка"
Украінскія войскі вызвалілі ад расійскіх захопнікаў горад Ірпень. Пра гэта ў сацсетках паведаміў мэр горада Аляксандр Маркушын.
"Сёння вызвалены Ірпень, зараз праходзіць "зачыстка", — патлумачыў ён.
Разам з тым мэр дадаў, што вяртацца ў горад пакуль што небяспечна.
Ірпень — горад у Кіеўскай вобласці Украіны. За масавы гераізм гараджан падчас расійскай агрэсіі ў 2022 годзе быў узнагароджаны званнем горада-героя.
