Матч "Мяшкоў-Брэст" — "Порту" перанесены, у брамніка гасцей спынілася сэрца
![Матч "Мяшкоў-Брэст" — "Порту" перанесены, у брамніка гасцей спынілася сэрца](/sites/default/files/styles/gallery_main/public/2023-08/brg.png.webp?itok=yG_xWvRV)
Матч групавога раўнда гандбольнай Лігі чэмпіёнаў "Мяшкоў-Брэст" — "Порту", які мусіў адбыцца 24 лютага, перанесены на няпэўны тэрмін. Як паведамляе прэс-служба беларускага клуба, у брамніка гасцей Альфрэда Кінана на трэніроўцы ў Партугаліі спынілася сэрца. Яго шпіталізавалі, лекары змагаюцца за жыццё спартсмена.
"У гэта цяжка паверыць, — кажа доктар гандбольнай зборнай Партугаліі Аўгуста Роха. — Кінана — фантастычны спартсмен у плане фізічнай падрыхтоўкі. Але часам у арганізме бываюць збоі".
Кінана ўведзены ў штучную кому.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.