Масква і Мінск да восені могуць выйсці на дамову пра будаўніцтва АЭС

Расія і Беларусь разлічваюць да восені выйсці на падпісанне камерцыйнай дамовы па будаўніцтве АЭС на тэрыторыі Беларусі. Як паведаміў "Інтэрфакс", такую заяву зрабіў кіраўнік "Росатама" Сяргей Кірыенка. Па ягоных словах, уся дакументацыя прадстаўленая. Яшчэ патрэбна вырашыць пытанне пра крэдыты на ўзроўні Мінфіна, але гэтая працоўная працэдура ідзе.