Маскоўскія паліцыянты затрымалі амаль тысячу мігрантаў (відэа)
Сярод іх апынуліся грамадзяне Таджыкістана, Узбекістана, Кіргізіі ды Турцыі.
Супраць затрыманых гастарбайтараў пачалі 117 адміністрацыйных справаў за парушэнне правіл уезду і знаходжання ў Расіі.
Рэйд, які з'яўляецца часткай праграмы "Нелегал-2013", прайшоў на аб'екце, які называюць "горадам бытовак". Паведамляецца, што гэта нелегальны інтэрнат мігрантаў, пабудаваны на тэрыторыі саўгаса "Цяплічнае". Яго выявілі яшчэ ў верасні 2012 года, адзначае lenta.ru.
Як кажуць маскоўскія паліцыянты, інтэрнат з'яўляецца "размеркавальным пунктам маскоўскага працоўнага рынку". Раніцай мігрантаў развозяць па будоўлях, увечары прывозяць назад.
Фота — прэс-служба ГУ МУС Расіі
