Масавыя ператрусы ў Наваполацку скончыліся арыштамі і штрафамі
У чацвер, 18 лістапада, прайшлі суды над затрыманымі жыхарамі Наваполацку, людзям прысудзілі штрафы і адміністрацыйныя арышты, паведамляюць праваабаронцы ў пятніцу.
Ператрусы ў Наваполацку адбыліся ў аўторак, 16 лістапада — праваабаронцам вядома як мінімум пра пяць. Пасля іх затрымалі некалькі чалавек.
Падрабязнасці з судоў таксама невядомыя. Ёсць толькі інфармацыя, што Таццяну Сцяпанаву аштрафавалі па арт. 24.23 КаАП на 2900 рублёў, Юрыю Падлознаму, Андрэю і Сяргею Корабавым прысудзілі па 15 сутак арышту.
Да затрыманых мужчын да суда не пускалі адвакатаў, спасылаючыся на "санітарную апрацоўку". А калі праходзіў суд, то адвакатам казалі, што затрыманыя на шпацыры.
