Malaysia Airlines выплаціць кампенсацыі сем'ям пасажыраў, загінулых пад Данецкам
Авіякампанія Malaysia Airlines пагадзілася выплаціць кампенсацыі сваякам большасці загінулых пасажыраў рэйса MH17, збітага на ўсходзе Украіны ўлетку 2014 года. Галандскі адвакат, які прадстаўляе інтарэсы многіх сем'яў загінуўшых, заявіў, што агульныя рысы пагаднення ўжо ясныя, перадае Бі-Бі-Сі.
Паведамляецца, што сваякі кожнага загінулага могуць атрымаць кампенсацыю ў памеры да 130 тысяч еўра.
Поўная справаздача пра абставіны авіякатастрофы пад Данецкам у пракуратуры Нідэрландаў чакаюць увосень. На пачатку чэрвеня галандскія пракуроры паведамілі, што міжнароднае расследаванне набліжаецца да завяршэння.
Таксама ў галандскай пракуратуры заявілі, што цалкам вынікі расследавання не апублікуюць. Дакумент далучаць да справы, якая будзе разглядацца ў судзе або ў трыбунале.
