Магілёўскія ідэолагі правядуць сацыялагічнае даследаванне за 20 тысяч долараў
![Магілёўскія ідэолагі правядуць сацыялагічнае даследаванне за 20 тысяч долараў](/sites/default/files/styles/gallery_main/public/2023-08/sacyjalohija-0501.jpg.webp?itok=q769gA0f)
Галоўнае ўпраўленне ідэалагічнай работы Магілёўскага аблвыканкама абвясціла тэндэр на правядзенне сацыялагічнага даследавання. На яго плануецца выдаткаваць 362 млн 210 тысяч рублёў (каля 20 тысяч долараў).
Ідэолагаў цікавіць грамадска-палітычная сітуацыя ў вобласці напярэдадні выбараў у Палату прадстаўнікоў, стан і сацыяльная значнасць беларускай мовы, а таксама ўзровень карупцыі ў вобласці.
У галіне беларускай мовы ідэолагі будуць выяўляць гатоўнасць грамадзян да адраджэння мовы і яе папулярызацыі як элемента культуры, ролю СМІ ў папулярызацыі мовы. Таксама плануецца высветліць, наколькі шырока беларуская мова ўжываецца ў штодзённым жыцці магілёўцаў.
Заяўкі на тэндар прымаюцца да 19 студзеня ўключна. Усе патрэбныя для ўдзелу ў тэндары дакументы пералічаныя на сайце icetrade.by.
Фота: dagzhkh.ru