Магілёўцаў са шматпавярховых дамоў пакідаюць без смеццеправодаў
Такім чынам камунальнікі хочуць пазбавіць пад’езды дамоў ад прусакоў, пацукоў і непрыемнага паху.
Найперш смеццеправоды заварваюць у дамах, якім больш за 20 гадоў, бо яны прыйшлі ў поўную непрыдатнасць і не адпавядаюць санітарным патрабаванням, паведамляе тэлерадыёкампанія “Магілёў”.
Замест смеццеправодаў у дварах дамоў абсталёўваюць кантэйнерныя пляцоўкі. У 146 з 266 шматпавярховых дамоў Ленінскага раёна Магілёва смеццеправоды ўжо ліквідаваныя.
Дарэчы, камунальнікі паведамляюць, што для ліквідацыі смеццеправода патрабуецца згода большасці жыхароў дома.
Фота — kp.by
