Людзі ў масках затрымалі журналіста Семчанку, які сышоў з пула Лукашэнкі

У Мінску затрымалі экс-журналіста АНТ Дзмітрыя Семчанку, які ў жніўні сышоў з пула Аляксандра Лукашэнкі на знак пратэсту.

Прыкладна ў 16:30 ў кватэру да яго прыйшлі людзі ў масках і забралі мужчыну, піша "Наша Ніва".

Тэлеканал "Белсат" дадае, што прыкладна гэтым часам Семчанка даваў інтэрв'ю каля свайго пад'езда. 

Нядаўна гэткім жа чынам былі затрыманыя экс-тэлевядоўцы Дзяніс Дудзінскі і Дзмітрый Кахно. Іх абвінавацілі ва ўдзеле ў несанкцыянаваных мерапрыемствах і асудзілі на 10 сутак кожнага. Потым міліцыя запісала відэа з экс-тэлевядоўцамі, як тыя каюцца ў сваіх дзеяннях. 

Не выключана, што Семчанку затрымалі, каб зняць такое ж відэа і з яго ўдзелам.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.