"Ляпісы" выступяць на канцэрце ў падтрымку Навальнага

6 верасня на праспекце Сахарава ў расійскай сталіцы пройдзе мітынг прыхільнікаў кандыдата ў мэры Масквы Аляксея Навальнага. Арганізатары абяцаюць 25 тысяч прысутных і перакрыццё руху для зручнага мантажу сцэны.


Мітынг на праспекце Сахарава стане апошняй сустрэчай Навальнага з выбарцамі. Канцэрт пачнецца а палове на 18-ю. Выступ "Ляписа Трубецкого" запланаваны на 21.00.

Дарэчы, у гэты ж дзень у СК "Алімпійскі" адбудзецца мітынг-канцэрт у падтрымку галоўнага апанента Навальнага — Сяргея Сабяніна. Праўда, склад удзельнікаў пакуль не вядомы.

Нагадаем, 30 лістапада ў віленскай Siemens Arena "Ляпіс Трубяцкой" прэзентуе першы ў сваёй гісторыі беларускамоўны альбом "Грай".

Паводле www.colta.ru


 

Апошнія навіны

Галоўнае

Выбар рэдакцыі