Лукашэнка загадаў афіцэрам бегаць, скакаць і падцягвацца разам з салдатамі
![Лукашэнка загадаў афіцэрам бегаць, скакаць і падцягвацца разам з салдатамі](/sites/default/files/styles/gallery_main/public/2023-08/luka_vaenn_2.jpg.webp?itok=EKx3HrAi)
Аляксандр Лукашэнка даручыў удасканаліць сістэму падрыхтоўкі ваенных кадраў падчас праверкі ўзроўню прафесійна-службовай падрыхтоўкі афіцэрскага складу Узброеных сіл на 230-м агульнавайсковым Абус-Лясноўскім палігоне.
Кіраўнік краіны лічыць, што ў дапрацоўцы мае патрэбу сістэма праверкі ўзроўню падрыхтоўкі афіцэраў.
“Самае страшнае — гэта фармалізм, не паўтарыць бы нам тое, што было ў савецкія часы. Рабіце так, каб афіцэра можна было праверыць. Я не кажу, што яны павінны быць у нас вундэркіндамі, але я сам бегаў, скакаў, падцягваўся і займаўся з салдатамі. Таму ведаю, якім павінен быць афіцэр. Зрабіце яго такім”, — сказаў Лукашэнка.
Падчас паездкі Лукашэнка азнаёміўся з ходам правядзення стрэльбаў танка Т-72Б і са стралковай зброі, а таксама наведаў кантрольны занятак афіцэраў па кіраванню баявымі машынамі, паведамляе прэс-служба кіраўніка краіны.