Лукашэнка: У Беларусі 794 пацыенты шпіталізаваныя з COVID-19

У Беларусі шпіталізаваныя 794 чалавекі, у якіх выяўлены каранавірус COVID-19. Да апаратаў штучнай вентыляцыі лёгкіх падключаны 31 пацыент. Пра гэта заявіў Аляксандр Лукашэнка на нарадзе 7 красавіка, перадае БЕЛТА. 

Нагадаем, што 6 красавіка Мінздароўя паведамляла пра 634 шпіталізаваных, 13 памёрлых і 53 вылечаных. 

Такім чынам, агульную колькасць выпадкаў каранавіруса ў Беларусі назваць немагчыма. Але прырост у параўнанні з учорашнім днём склаў ужо 160 чалавек. 

"Так, прырост у нас назіраецца. Дзякуй богу, што не лавінападобны", — канстатаваў Лукашэнка. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.