Лукашэнка сказаў, за што трэба "саджаць у турму без суда і следства"
![Лукашэнка сказаў, за што трэба "саджаць у турму без суда і следства"](/sites/default/files/styles/gallery_main/public/2023-08/luka-1612-3.jpg.webp?itok=gwqyeJwV)
На нарадзе 16 снежня Аляксандр Лукашэнка абурыўся тым, што эфектыўнасць шмат якіх службаў ацэньваецца па колькасці пратаколаў правапарушэнняў. Ён заявіў, што за такое трэба "саджаць у турму без суда і следства".
"Гэтым грашаць практычна ўсе: міліцыя, мытныя органы, падатковая інспекцыя, пажарная служба, санстанцыя ды іншыя. Даходзіць да таго, што кіраўніцтва з супрацоўнікаў прама патрабуе прынесці не менш за тры-пяць пратаколаў аб правапарушэннях за дзень, калі не — застануцца без прэміі. Недапушчальна. за гэта трэба саджаць у турму без суда і следства", — цытуе прэс-служба словы кіраўніка дзяржавы.
Права складаць пратаколы аб правапарушэннях маюць супрацоўнікі больш як 70 ведамстваў. Лукашэнка падкрэсліў, што эфектыўнасць іх працы павінны вызначацца не колькасцю пратаколаў і штрафаў, а прафілактычнае ўздзеянне і рэальнае скарачэнне адміністрацыйных правін. "Чым больш пратаколаў склалі, значыць, тым больш бардака на ведамасных тэрыторыях па дадзенай тэматыцы", — абурыўся ён.
Між тым, у беларускіх ведамствах (міліцыя, мытня і г.д.) існуюць гадавыя планы па штрафах, якія неабходна выконваць.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.