Лукашэнка: праз нас на Захад ідуць нарката і мігранты, а мы іх ловім
![Лукашэнка: праз нас на Захад ідуць нарката і мігранты, а мы іх ловім](/sites/default/files/styles/gallery_main/public/2023-08/luk_bolbasava_2.jpg.webp?itok=NU5DY7MZ)
Аляксандр Лукашэнка выказаўся пра важнае геапалітычнае становішча Беларусі. Ён адзначыў выключна міралюбівую палітыку дзяржавы, выступаючы перад жыхарамі пасёлка Болбасава Аршанскага раёна, куды прыбыў з візітам у нядзелю, 4 лістапада.
“Мы — мірныя людзі, не хочам вайны. Мы не багатыя, але нікога не просім. Мы самі сваё шчасце заробім. Калі будзем варушыцца, мы ўсё зробім самі. Я ўжо сказаў, што лепей дзясяткі і сотні гадоў перамоваў, чым адзін дзень вайны”, — цытуе Лукашэнку яго прэс-служба.
Таксама Лукашэнка прыгадаў свой удзел у Мюнхенскай канферэнцыі бяспекі, якая прайшла на мінулым тыдні ў Мінску.
“Выступаючы перад прадстаўнікамі Захаду на Мюнхенскай канферэнцыі, я ім казаў: цаніце Беларусь, не трэба супраць нас санкцыі ўводзіць. І нарката, і бандытызм, і ядзерныя элементы, і незаконная міграцыя — усё праз нас ідзе на Захад. Мы іх ловім, адлаўліваем за ўласны кошт”, — сказаў беларускі кіраўнік.