Лукашэнка атрымаў пасылку ад Дадона — кукурузу і віно
Аляксандр Лукашэнка атрымаў пасылку з Малдовы ад прэзідэнта Ігара Дадона — кукурузу і хатняе віно. Пра гэта ўвечары 11 снежня падчас прамой лініі ў сацсетках распавёў Дадон. У красавіку сёлета беларускі кіраўнік паўдзельнічаў у пасяўной кампаніі ў Малдове, папрацаваў на трактары, саджаў кукурузу. І яму Ігар Дадон паабяцаў восенню даслаць ураджай. Таксама прэзідэнт Малдовы паабяцаў, што навучыць Лукашэнку апрацоўваць вінаград і вырабляць з яго натуральнае віно.
