Лукашэнка абяцае правесці нечаканую праверку войска
Такую задачу кіраўнік Беларусі паставіў, калі прымаў з дакладам дзяржаўнага сакратара Савета бяспекі Аляксандра Мяжуева.
Аляксандр Лукашэнка: "Мы ні ад каго не хавалі, што нам у нейкі час давядзецца сур'ёзна праверыць нашы Узброеныя сілы. Нават нягледзячы на тое, што трэба аддаць належнае, і я ўжо пра гэта казаў, за мінулы год Узброеныя сілы былі на добрым узроўні і нямала зроблена міністрам. Але тым не менш недатыкальных у краіне няма. Мы павінны, асабліва людзей у пагонах, правяраць на прадмет гатоўнасці дзейнічаць у любой сітуацыі ў любы час".
Лукашэнка таксама адзначыў, што ўсе рашэнні, якія будуць прыняты ў гэтай галіне, да праверкі павінны насіць абсалютна закрыты характар.
