Лідараў і актывістаў украінскай апазіцыі пачалі арыштоўваць
Гэта адбываецца нягледзячы на перамовы з уладай і на спыненне сутычак у цэнтры Кіева паміж праваахоўнікамі і пратэстоўцамі.
У Кіраваградзе затрыманыя лідары мясцовых суполак партый “Свабода” і УДАР, інфармуе espreso.tv
Міліцыя тлумачыць гэта расследаваннем раней заведзеных крымінальных спраў пра хуліганскія дзеянні 13 студзеня. Лідар “Свабоды” Алег Цягнібок запатрабаваў ад уладаў неадкладна вызваліць затрыманага кіраўніка Кіраваградскай суполкі партыі Аляксандра Рамашчанку.
Затрыманы таксама кіраўнік суполкі “Свабоды” ў Палтаве, нібыта за спробу замовіць забойства, паведамляе МУС Украіны.
