Лідара гурта Gods Tower Уладзіслава Наважылава ў РБ унеслі ў спіс "тэрарыстаў"
Уладзіслаў Наважылаў / Euroradio
Лідара гурта Gods Tower Уладзіслава Наважылава ў Беларусі ўнеслі ў спіс "тэрарыстаў". У 2021-м ён быў асуджаны на тры гады "хіміі" з накіраваннем у папраўчую ўстанову за "абразу" старшыні Гомельскага аблвыканкама Генадзя Салаўя. "Этот Соловей — крайне г***** [неразумны] б**** [самец свінні]", — напісаў у Facebook Наважылаў. Ён тлумачыў, што на яго думку, чыноўнік не выконваў сваіх абавязкаў, бо не мог адказаць на пытанні людзей, да якіх выходзіў у жніўні 2020 года. На "хімію" музыка не трапіў — змог выехаць за мяжу.
У "тэрарыстычным спісе", які складае КДБ, ужо 1141 чалавек. З іх 412 — беларусы.
